Wholesale NFL Jerseys sv2rollo
| People either funny or stupid. In 1992 nuff of dem PNC people break up all dem car that name Civic. People who had Honda Civic cry. Some of dem Honda Civic owner did vote fuh PNC but people still break up dem car because it had ‘Civic’ write pun it.That was de year when Papa Cheddi come pun de scene wid he Civic and win de elections.Well this time dem car got PPP pun dem number plate. That bound to create problems. Dem boys seh that some people run and buy dem car when de PNN series was still in force. And some decide that dem gun put off buying till de next series come in.Dem waiting just like how Guyana waiting fuh oil. Dem boys seh that Guyana can’t even drill fuh coconut oil much more de real oil.One company promising fuh drill since Noah been in diaper. Dem collecting money from de people in Canada but nutten ain’t happening. De other day de Waterfalls boss man ask one of dem when dem gun start drilling and de man stammer, then he laugh.He got to be a bandit just like some of dem who been running de country up to when Donald come in. And dem same people still got a big say because dem have dem people in de thick of things.Dem boys seh that right now people uncomfortable. Brazzy already seh that he going but dem boys think he should stay because he got to answer a lot of questions. He got to talk about how he sell de Sanata Complex, wha he do wid de money,Adam Larsson Jersey, wha he do wid de money he get after he sell de land to de other Bee; he got to talk about de land that de government buy from GuySuCo and sell to some private people when GuySuCo coulda sell its own land to de private people and mek more money.Dem got others who got question to answer and good luck fuh de Guyanese people, dem don’t have American passport like some people.But dem boys seh that de jail don’t discriminate wid passport. It welcome everyone and nuff of dem would go there even without a welcome.Talk half. Lef half. |
