Eye pass is something that only Guyanese people understand. When Guyanese tell some foreigner bout eye pass de foreigner does ask wha it mean. When dem boys was young dem use to hear young people seh that dem eye and somebody never go fuh a race.Well in Guyana people eye pass everybody. Dem eye even pass Bharrat.Imagine de man tell de whole world that he ain’t want a third term and dem have people who collecting money and promoting de third term.Dem boys seh that de eye pass meet suh far that de police charging people fuh beating prisoners and de same day dem charge dem police others still beat prisoners.Dem boys seh that contractors does get one set of money fuh do a job and dem does spend out de money,Wholesale Authentic Jerseys, don’t finish de job and lef de wuk. And when de government ask fuh de money de contractors does tell dem that de money done and if dem don’t give more de wuk gun lef.De government does threaten but dem contractor eye pass de government suh much that dem don’t tek it serious.Dem boys seh that de government put dem Customs officers through lie detectors and promise to continue de programme. Dem Customs officer eye pass de government so much that dem does continue to thief.De government and de city council does tell people don’t dump garbage in a certain place. Dem does even put up a sign but de people does ignore de sign and do just wha de people seh dem mustn’t do.Well dem boys seh that dem gun tek de eye pass to another level. Dem gun go and build an jail fuh all dem people who tek de eye pass. De only thing is that dem talk too fast because last week,Authentic NFL Jerseys Store, nuff Ministers send in dem resignation. Dem seh that dem frighten jail because nuff people does go in as man and come out as woman.Talk half. Lef half.
