Wholesale MLB Jerseys Pro Shop plj3ibdh
| Dem boys wake up de other morning and dem find everything down. GT&T BlackBerry messenger down; Digicel BlackBerry messenger down. When dem try de light switch GPL down. Was a pole fall down.Dem boys seh that de country gon shut-down. Police beating people down,China Jerseys, the opposition lying down, Jagdeo run Guyana down, de ministers dem throwing li’l gyal down, Kwame running li’l boys down, and Neeaz throwing li’l children down.Mo Chinese coming down, health care down, GDF helicopters down, all systems fall down…So, yes tings in Guyana Tun Down. Oh yeah. Even Donald sit down and cry because he thing fall down.Dem boys seh that all who thief, dem property should bun down. Barbie radio station should shut down but the nice music he does play can stay on.De other day dem boys see Kwame pull he pants down and wha dem see at he back mek dem fall down.The Rat, Brazzy, and Barbie got Vishok and Brian putting cable down. Dem running all de cable pun de lamp pole like all over de country like if dem got transport fuh dem pole. That is why dem pole falling down.Brazzy telling dem fuh do that. De other day he sit down pun a chair in he office and he tumble down. De doctor did tell he fuh leh he weight go down, but whenever he see food he can’t help but sit down.Luncheon brains run down. He seh that people got to get experience in de media before dem can get radio licence. He seh that dem must have geographical consideration. That mean that dem got to live somewhere. Well dem boys seh that from de licence Ramroop and Robert get dem don’t live nowhere. Dem deh all about.Dem is de people who does cause border dispute. One of dem would cross de Takutu River and claim how Jagdeo give dem permission to transmit from anywhere. Luncheon tongue slip when he seh that Jagdeo use he discretion and give he friends five frequency apiece.Is now people understand wha it mean when people seh that a man ain’t got discretion. Luncheon mean that Jagdeo use selection rather than discretion. |
